Sudern und rean
a jeder waß ois besser a jeder kennt si aus
sogoa da herr professor kriagt heite an applaus
er wettert gengan feinstaub und fliagn tät er nie
jedoch sei liabstes spüzeig des is a s.u.v.
des sudern und rean des is unsa wöt
es gibt afoch nix wos mehr für uns zöht
wir miaßn sudern und rean a wanns kana vasteht
sudern und rean weus uns dann bessa geht
a jeda spüt heit teamchef und stöt sei mannschaft auf
wann die a bissl glick hot dann hot sie a an lauf
doch söbst noch niederlogn tuans so ois ob nix wa
dann gibts a analyse ois wia beim johann k.
des sudern und rean des gibt uns die kroft
mitn sudern und rean hamma no ollas gschofft
des sudern und rean liegt tiaf in uns drinn
denn ans des steht fest des kummt sicha aus wien
sogoa da herr minister da fachmann fürs budget
veröffentlicht prognosen wos hifiat wissma eh
denn kummt dann ollas anders für eam ka grund zum frust
weu er vollzieht die wende er hots jo imma scho gwußt
Tausend klane Flammen brennen
in drei minutn is soweit dann steh i wieda duat
i zöh die erste nummer ei und hoff es geht ois guat
sche langsam foit die angst von mir daß irgendwos passiert
mit dem heit kana grechnt hot des uns vielleicht blamiert
und tausend klane flammen brennen a lichtermeer im soi
und menschn die si goanet kennan die gspian auf amoi
a gfüh des di fost süchtig mocht so unbeschreiblich sche
des’d afoch imma wieda brauchst weu ohne dem nix geht
wanns voabei is und des licht geht aus steh i no imma do
und hea no oiweu den applaus i kriag afoch net gnua davo
es hot heit afoch ollas paßt da sound und a des licht
und scho um ocht woa stimmung do wias sötn wo gelingt
Niemand
rampenlicht und sieger sei is ois wos zöht
a jeda strebt vabittert noch da mocht
erboamungslos und koit is die computerwöt
in der ma afoch kane föhla mocht
doch sche langsam wir es zeit weu sonst is es boid vorbei
daß ma net aufs lem vagißt damit du waßt wers’d wirklich bist
doch niemand wird des je vasteh und kana siecht des ei
es kann do net so weida geh des deaf do goanet sei
und niemand der an anfang mocht weu kana si wos traut
doch überlem wird letzlich der der ollas kloa durchschaut
planmäßig erstöt und danoch ausgebaut
wern stroßn die uns ausananda fian
jeda kilometer weida weg von zaus
loßt des gfüh in uns langsam erfrian
die hoffnung bleibt, daß irgendwann die wöt so is wia in mein tram
in der’s kan hass gibt und kan neid doch des liegt ollas goa so weit
Fliag’n ma fuat
kumm lahn di her des is mehr
mehr ois vuaher woa
kumm fliag’n ma fuat aun an uat
der haßt ewigkeit
und es gibt afoch ka hindernis
für uns zwa in der finsternis
in der zeit die a wahnsinn is
kumm wir fliag’n davo
wir seun uns hamlich o
kumm bleib bei mir weu i gspia
daß a dir so geht
kumm denk net noch und dann moch
wos dei herzschlog sogt
kumm denk net noch bleib nur woch
für den augenblick
kumm loß di foin wann mas woin
samma unsterblich
Die Angst an die i glaub
waßt wias muagn ausschaut wos wird muagn sei
wird da himme blau wern samma no dabei
oda hot vielleicht wer mittn in da nocht
afoch auf an knopf druckt während ollas schloft
dann gibts nur mehr rosa woikn
überoi nua dichter staub
wer wird die rüstung endlich stoppn
stön si denn wirklich olle taub
denkts an eure kinder bei dem spü der mocht
glaubts an ka begrenzung irgendana schlocht
amoi nua zum gwinnan is es denn des wert
des wa des anzige vabrechn des niemehr vajährt
dann gibts nur mehr rosa woikn
überoi nua dichter staub
wer wird den wahnsinn endlich stoppn
des is die angst an die i glaub
Hamweh
weiße föda tiaf vaschneit
doch du bist so unendlich weit
nua da nebl den i gspia
denn du bist heit net bei mia
i hob hamweh
i hob hamweh noch dir
hamweh
i hob hamweh noch dir
in jedn tram des büd von dir
es is so ois wast bei mia
nur des woch sei foit ma schwer
denn i brauchat di so sehr
Amoi nua
i muaß immer so wias es woits
und manchmoi glaub i auf des sad’s stoiz
doch lang schau i eich do nimma zua
weu manchmoi hätt i a gern mei rua
weu i wü amoi nua des mochn wos i söba wü
amoi nur entscheidn afoch noch mein gfüh
vanunft vagessn und nur mehr mir söba traun
do täts liab ausschaun
doch ob muagn is des vuabei
weu dann sad’s ihr mir ganz analei
i foa in südn leg mi in’d sunn
für eich bring i mi wirklich net um
weu i wü amoi nua des mochn wos i söba wü
amoi nur entscheidn afoch noch mein gfüh
vanunft vagessn und nur mehr mir söba traun
jo des wa mei traum
Die 9. Symphonie
du bist da zucker in mein kaffee
du bist im winter der erste schnee
du bist die rosn die niemois sticht
und des vasprechn des niemois bricht
du bist die rettung auf hoher see
und söbst wanns regnt mit dir is es sche
du bist die woaheit die niemand vabiagt
und der gewinn den sunst kana kriagt
du bist des alpha und des omega in meiner wöt
du bist der ausdruck aller hoffnung afoch des wos zöht
du bist der permanente glücksstern meiner galaxie
du bist für mi die 9. symphonie
du bist für mi wie des soiz im meer
so wie der abschied und die wiederkehr
du bist der kontrapunkt in jedn liad
im streit die lösung bei der niemand valiert
du bist der süberstreif am horizont
und wie a bumerang der wiederkummt
du bist der brunnen der nie vasiegt
du bist die ewigkeit die vua mia liegt
du bist die hoffnung die nie vageht
und die erklärung die jeda vasteht
du bist die antwort auf all meine frogn
mit dir is ollas zu ertrogn
Total im Blues
aus is mit’n zockn a jeda is down
netamoi da börse kann ma vatraun
die firmen gengan pleite die aktien valiern
trotzdem tan die manager weiterkassiern
i bin total im blues, i bin total im blues
i bin total im blues und kenn mi afoch nimma aus
in der werbung do erzöhns ma wos i so brauch
i loß ma nix eiredn egal wos i kauf
a jeder muaß heit virtuell überall sei
im endeffekt do isa leida nirgends dabei
a politiker erklärt uns wos er gern tät
wann er nur dazu die befugnis hätt
i denk ma für mi do rennt doch irgendwos schief
warum redt der die ganze zeit im konjunktiv
a jeder wü nur mehr und kriagt net gnua
mia is des egal i wü nua mei rua
i setz mi in di kuchl und spü gitar
von ochte bis um drei aso ois ob nix wa
i bin total im blues, i bin total im blues
i bin total im blues und darum bleib i afoch zaus
Julia
hea net auf die frogn die irgenjemand stöt
schau liaba auf di söba nur des allanich zöht
denn ois wos sie da rotn hams söba nie probiert
und jetzt tan sie nua woatn ob irgendwos passiert
hoff net auf a wunder und sei net so frustriert
weu ans des is ganz sicher wer liegnbleibt valiert
denn ois wos du erlebt host wie schlimms a immer woa
des bringt di wieda weida und mocht unhamlich stoak
oh julia des lem is härter ois du glaubst
julia drum warats guat wannst auf di schaust
julia es geht so vü wann du es wüst
julia und du net mit dein schicksoi spüst
da klanste funkn hoffnung is stärker ois die angst
besinn di auf di söba vatrau auf des wos’d kannst
sovü geht von allanich du muaßt as nua probian
grod jetzt was zeit daß’d anfangst dann wirst di wieda gspian
Vielleicht is ollas anders
wann ma kana mehr a chance gibt
zum beweisn wos i kann
weu die technik überhand nimmt
is im getriebe längst scho sand
wann a jeda nua mehr angst hot
vor dem knoi der ois zasteat
weu do obn a poa herumspün
dann is doch irgendwos vakeat
doch vielleicht is ollas anders
wann i aufsteh in da fruah
plötzlich merk i dann beim umdrahn
i hob die augn goanet zua
wann die leit no immer glaubn
sei schicksoi is an vuabestimmt
verhungern sicha no zig tausend
und jeder zweite is a kind
wann si’ muagn ollas ändert
und da neid nimma regiert
weu die leit an andern wert segn
dann is des wunder scho passiert
Dorian Gray
er is wie dorian gray und er hoit si für fesch
des wichtigste is eam a leiwande wäsch
egal wos er zamredt des is net so wichtig
die hauptsoch is die krawattn sitzt richtig
er wohnt über der donau und er muaß früh raus
er kummt in die firma und fühlt si’ wie zaus
bis um viertl noch zehn deaf eam kana stean
sonst wird er zu schnö munter und kann ungmiatlich wer’n
dorian gray schaut si gern in spiegl
dorian gray er is so penibl
dorian gray wia a blattl im wind
dorian gray hauptsoch die optik stimmt, jo jo
optisch gibt er sich groß und mächtig
oba intellektuell völlig unverdächtig
designerkleidung bis zur dekadenz
sowos hoit er für führungskompetenz
es kann a passiern daß’d eam heite wos frogst
wozu er dir scho muagn ganz wos anderes sogt
des auto zoiht die firma jo so loßt sis spoan
do kamma ganz entspannt a no auf urlaub foahn
wo er auftritt mechast glaubn er wa a autorität
bei näherer betrachtung merkt ma glei so is net
ois nua inszenierung es is wie im theater
wer braucht a moral es geht a ohne charakter
dorian gray schaut si gern in spiegl
die schuach putzt die mama jo do is a penibl
dorian gray wia a blattl im wind
vollkommen egal hauptsoch die optik stimmt
I brauch zu Weihnochtn kan Christbam
i brauch zu weihnochtn kan christbam
i wü ka hektik und kan stress
i mächt di afoch nur bei mia ham
des wa mei ollaschenstes fest
dann steck man kopf unter die deckn
und du umoamst mi wann i frier
dann gspia i weihnochtn a bissl a in mia
i wü zu weihnochtn mei ruah ham, drum bleib i liaba afoch zaus
i hoit den oigemeinen kaufrausch, seit langer zeit scho nimma aus
a jeda glaubt er muaß wos schenken, damit da andere si gfreit
dabei täts wirklich scho genügn, nimmt ma für eam si nur mehr zeit
i brauch zu weihnochtn kan christbam
i wü ka hektik und kan stress
i mächt di afoch nur bei mia ham
des wa mei ollaschenstes fest
dann steck man kopf unter die deckn
und du umoamst mi wann i frier
dann gspia i weihnochtn a bissl a in mia
i mächts zu weihochtn besinnlich, hobs liaba hamlich, ruhig und stü
mia san den ganzn langen tag zam, es herrscht totale harmonie
dann hea ma stundnlang last christmas und hoffn, daß es endlich schneit
des wa genau woraufs uns aukummt, des schenste gschenk zur weihnochtszeit
i brauch zu weihnochtn kan christbam
i wü ka hektik und kan stress
i mächt di afoch nur bei mia ham
des wa mei ollaschenstes fest
dann steck man kopf unter die deckn
und du umoamst mi wann i frier
dann gspia i weihnochtn a bissl a in mia
dann gspia i weihnochtn des ganze joah in mia